Plantun de Prouvènço

Pèr coumpara dos planto d'encò nostre

Polypodium vulgare & Silene dioica

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Empeganto(-roujo)

Silene dioica

Caryophyllaceae

Noms en français : Compagnon rouge, Silène dioïque.

Descripcioun :
Emai siegue coumuno dins lis uba, au nostre, l'empeganto-roujo se rescontro soulamen dins quàuqui relarg mountagnous. Douno d'èr à l'empeganto-blanco, pamens flouris pulèu la niue e èi gaire redoulènto. I'a pas trop pèr s'engana.

Usanço :
Sèmblo pas manjadisso que caup de sapounino, o bessai emé li fueio jouino o bèn cuecho.

Port : Erbo
Taio : 20 à 60(90) cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Silene
Famiho : Caryophyllaceae

Ordre : Caryophyllales

Coulour de la flour : Roso
Petalo : 5
Ø (o loungour) flour : 2 cm
Flourido : Printèms - Estiéu

Sòu : Ca
Autour basso e auto : 0 à 2200 m
Aparado : Noun
Mai à juliet

Liò : Roucas - Tepiero seco - Baragno - Ribiero
Estànci : Mountagnard à Subaupen
Couroulougi : Éurosiberiano
Ref. sc. : Silene dioica (L.) Clairv., 1811

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Polypodium vulgare & Silene dioica

ges

RRR

Coumpara Regalisso-bastardo emé uno autro planto

Coumpara Empeganto(-roujo) emé uno autro planto